chhattisgarh : अब सिक्षक मन के समस्या के निराकरण होही आनलाइन, ए पोर्टल म रजिस्टर्ड कर सकत हे सिकायत

जय जोहार…. (chhattisgarh) अब सिक्षक मन के समस्या ल आनलाइन स्तर म दूर करे के एक ठीन बड़का पहल करे गेहे। बिलासपुर संयुक्त संचालक ह आनलाइन सिकायत के निराकरण अउ ओखर ले सम्बंधित जानकारी ल पोर्टल म साझा करे ल सबो जिला शिक्षा अधिकारी ल निर्देसित करे हे।

(chhattisgarh) संयुक्त संचालक ह एला लेके जिला स्तर म सहायक संचालक या बीईओ स्तर के अधिकारी के नोडल अफसर के तौर म नियुक्ति करे के निर्देस घलो देहे। बिलासपुर संयुक्त संचालक ह अपन आदेस म सबो जिला शिक्षा अधिकारी ल बताइन कि ओखर कार्यालय ले वेब पोर्टल www. jdeducationbsp.webs.com म सिक्षक अउ कर्मचारी मन बर आनलाइन सिकायत ल लेके कंप्लेंट बॉक्स के एक ठीन पेज ल जोड़े गेहे।

ए पेज म जाके सिक्षक ह अपन परेसानी ल दस्तावेज के संग आनलाइन अपलोड कर सकत हे। (chhattisgarh) ए पोर्टल के लिंक ल सबो जिला शिक्षा अधिकारी ल दे गेहे। ताकि ओ हा अपन जिला के सम्बंधित समस्या के आवेदन ल अपलोड करही अउ ओखर निराकरण ल लेके कार्रवाई करही।