लाल आतंक ले विकास कोती बाढ़त दारेली

चार दशक के बाद पहिली घांव गांव पहुंचिस सुसासन, जनगनना के काम होइस पूरा

नक्सल डर ला पाछू छोड़के बदलाव अउ बिसवास के नवा कहानी लिखत हे बीजापुर के दुरिहा अंचल

रायपुर, लंबा समय तक नक्सली परभाव अउ डर के सेती विकास के मुख्यधारा ले कटे बीजापुर जिला के दारेली गांव, अब बदलाव अउ बिसवास के नवा इतिहास लिखत हे। पाछू चार दशक (चालीस बछर) ले ए इलाका मं कोनो घलो सरकारी काम-काज नहीं हो पाए रिस, यहां तक कि बछर 2011 के राष्ट्रीय जनगनना ले घलो ए गांव बंचित रह गे रिस। फिन (परंतु) अब इतिहास ला बदलोई करत पहिली बेर जिला सुसासन के टीम सोझ दारेली गांव पहुंचिस अउ उहां बने ढंग ले जनगनना के बूता ला पूरा कराइस।

मुख्ममंत्री विष्णु देव साय के अगवाई अउ बन अउ जिला के प्रभारी मंत्री केदार कश्यप के मारगदरसन मं राज सरकार के जनकलयानकारी योजना अब ओ दुरिहा-दुरिहा के गांव तक पहुंचत हे, जिहां पहिली विकास के सुचई घलो अब्बड़ असकट (कठिन) रिस।

अधिकारी मन के ऐतिहासिक दौरा अउ मयारू सुवागत

एकरे कड़ी मं बीजापुर के कलेक्टर विश्वदीप, जिला पंचायत सीईओ नम्रता चौबे, जनगनना प्रभारी अधिकारी मुकेश देवांगन अउ उसूर एसडीएम भूपेंद्र गावरे ह दारेली गांव के जम्मों कोती दौरा करिन। सरकारी अधिकारी ला अपन बीच मं पाके गांव वाले मन ह ओकर मन के मया अउ भावुक होके सुवागत करिन।

गांउ के लोगन मन ह खुसी जतावत कहिन कि आज ओमन ला पहिली घांव अइसन लागिस हे कि सासन-प्रसासन ओकर दुवार तक पहुंचे हे। ए बखत गांव मं होए जनगनना के बूता ला ग्रामीण मन ह एक ऐतिहासिक अउ सुघर परयास बताइन।

शिविर लगाके जरूरी कागजात बनाए के नदेस

कलेक्टर बीजापुर ह चौपाल लगाके गांव वाले मन ले सोझ गोठ-बात करिन अउ भुइँया के पट्टा, अधार कारत, बैंक खाता अउ रासन कारत जइसन जरूरी कागजात के होए के जांत-परख करिन। कतकोन ग्रामीण के कागजात अधूरा मिले बर ओमन ह छोटे अधिकारी ला नदेस दिन कि गांव मं बिसेस सिबिर (विशेष शिविर) लगाए जाय, ताकि जम्मों पातर (पात्र) ग्रामीण के सौ प्रतिसत कागजात बने के काम पूरा हो सके।

उसी समे संवेदनसील संज्ञान: किसान के दुख के तुरंत नबेरा

घूमे के बेरा एक झन उहां के किसान ह कलेक्टर ला अपन दुख-पीरा सुनाइस कि ओकर ददा के मरे के बाद घलो लंबा समय ले भुइँया के नामांतरण (नाम चढ़ाय के काम) नहीं हो पाए हे। ए बात पर संवेदनसीलता देखावत कलेक्टर ह उही समे मउका मं मउजूद राजसो (राजस्व) अधिकारी ला नामांतरण के काम तुरंत पूरा करे के कड़ा नदेस दिन अउ कहिन कि ओमन खुद ए मामला के देख-रेख करिहीं। सासन के ए अइसन तुरंते काम करे के तरीका ला देखके किसान ह भावुक हो गे अउ अधिकारी ला धनबाद (आभार) ब्यक्त करिस।

जनकलयानकारी योजना अउ छात्रबृत्ति के घोसन

कलेक्टहर ह गांव वाले मन ला परधानमंत्री आवास योजना के संग सासन के दूसर बड़-बड़ योजना के बारे मं बिस्तार ले बताइन। ओमन अधिकारी मन ला कड़क सुभाव मं कहिन कि आखिरी कोना के आखिरी मनखे तक योजना के लाभ बिना कोनो रुकावट के पहुंचना चइही। एकरे संग ओमन ग्राम पंचायत दारेली के जम्मों सगा-सोदर अउ लइका मन ला प्राथमिकता के अधार मं छात्रबृत्ति के लाभ देवाए के घलो नदेस दिन।

जो दारेली गांव कभू डर, उपेक्छा अउ सन्नाटा के चिनहा माने जावत रिस, ओहा आज विकास, आपसी बिसवास अउ नवा उम्मेद के डहर मं गोड़ बढ़ा चुके हे। सासन के ए संवेदनसील बुता ह ग्रामीण मन के भीतर सरकार के प्रति भरोसा ला अउ जादा मज्बूत कर दे हे।