chhattisgarh : आदिवासी मन ल जल, जंगल, जमीन के अधिकार दिलाय ल राज्य सरकार ह करत हे निरंतर परयास : भूपेश बघेल

जय जोहार। (chhattisgarh ) मुख्यमंत्री भूपेश बघेल ह किहीन कि हमर मन के निरंतर परयास हे कि आदिवासी मन ल जल, जंगल, जमीन के अधिकार मिले, जेमन ल परेसानी हे , ओखर ले चर्चा बर द्वार खुले हे । जेमन ल भारतीय संविधान म विश्वास नई , ओखर ले संवाद मुमकिन नई हे । मुख्यमंत्री ह सुकमा म प्रेसवार्ता ल सम्बोधित करत रिहीन ।

मुख्यमंत्री भूपेश बघेल ह किहीन कि सुकमा म आज बड़ अकन बदलाव आय हे । आवागमन, सिक्षा, स्वास्थ्य, पोसण के स्तर म वृद्धि होय हे । आदिवासी मन के आय म वृद्धि होवत हे , क्षेत्र म लघु वनोपज खरीद बाढ़े हे । अंदरूनी क्षेत्र म रासन दुकान ल खोले जावत हे, बंद पड़े स्कूल के फेर संचालन होवत हे। सुकमा, जिहां ले नक्सलवाद के सुरुवात होय रिहीन, आज उहां नक्सलवाद बड़ अकन पीछे जा चुके हे। ग्रामीण जेन पहले सुरक्षा कैंप के विरोध करत रिहीन, आज सुरक्षा कैंप के मांग करत हे।

मुख्यमंत्री ह सुकमा जिला प्रसासन डहार ले प्रारंभ करे सुविधा सिविर के आयोजन के पहल के सराहना करत किहीन कि ए अनूठी पहल ले अंदरूनी गांव के निवासी मन ल घलो आधार, जाति, निवास प्रमाण पत्र, आयुष्मान कार्ड मिलत हे । जिला म 31 हजार ले जादा लईका मन ल घर पहुंचाके जाति प्रमाण पत्र दे गेहे ।