congress: छत्तीसगढ़ के कांग्रेस सरकार ह किसान मन के हित म कानून बनाही, त भाजपा के पेट म दर्द काबर- शैलेश नितिन त्रिवेदी
जय जोहार…. कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि मुख्यमंत्री भूपेश बघेल सरकार ह छत्तीसगढ़ म किसान मन के 11 हजार करोड़ रुपया के कर्ज ल माफ करिन।
छत्तीसगढ़ म किसान मन के फसल के 2500 रुपया दाम दे के काम करिन। उहचे जब केन्द्र सरकार ह रोक लगइस, तब राजीव गांधी किसान न्याय योजना के तहत किसान मन ल पैसा दे जावत हे। सरलघा किसान हित म छत्तीसगढ़ सरार ह फइसला लेवत हे।
कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि भाजपा के किसान विरोधी चरित्र, गरीब विरोधी चरित्र, आम आदमी विरोधी चरित्र, छत्तीसगढ़ विरोधी चरित्र के सती भाजपा ल अईसे जनहित के फइसला ह रास नई आवत हे।
एखर सती भाजपा ए म आपत्ति जतावत हे। भाजपा के विरोध कांग्रेस के कानून ले नई, कांग्रेस के आयोग ले नई छत्तीसगढ़ के जनता के हित ले हे। भाजपा जन विरोधी, छत्तीसगढ़ विरोधी अऊ किसान विरोधी हे, ये स्पस्ट हो गे हे।
कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि भाजपा ह किसान मन ल बड़े कंपनी के हाथ बंधुआ बनाय के साजिश रचे हे। कान्ट्रेट फार्मिंग के नाम ले अऊ न्यूनतम समर्थन मूल्य ले वंचित कर अऊ अईसे समय म छत्तीसगढ़ सरकार ह अपन संवैधानिक दायरा म रह के संविधान म जेन राज्य के सूची म कृषि हे,
ओमा कोनो कानून बनाय ल जावत हे। भाजपा ह शपथ पत्र के बात करत हे। भाजपा के शपथ के, भाजपा के पत्र के अऊ भाजपा के किसान विरोधी राजनीति ल पूरा देश के किसान ह समझ चुके हे।
