chhattisgarh : बच्छर 2022 के सासकीय डायरी अउ कैलेण्डर म राजकीय गीत ल मिलही प्रमुख स्थान

जय जोहार…. (chhattisgarh ) मुख्य सचिव अमिताभ जैन की अध्यक्षता म आज मंत्रालय महानदी भवन म बच्छर 2022 बर सासकीय डायरी अउ कैलेण्डर के मुद्रण के संबंध म बइठक होय हे। बइठक म सासकीय डायरी अउ कैलेण्डर बर प्रकासन सामग्री के रूप म राज्य के संस्कृति, समृद्धसाली इतिहास, राज्य के गौरव, ग्रामीण आजीविका म बढ़ोत्तरी के काम सहित आने आने विकास काम ले जुड़े छायाचित्र के चयन करे जाही। एखर बर मुख्य सचिव ह जरूरी प्रकासन सामग्री के निर्धारण ल 30 नवम्बर तक करे ल अउ ओखर प्रस्तुतिकरण करे के निर्देस देहे।

ए घांव सासकीय डायरी ह डिजिटल टेलीफोन डायरेक्टरी के रूप म उपलब्ध होही। (chhattisgarh ) एमा राष्ट्रीय गीत, राष्ट्रगान के संग छत्तीसगढ़ के राजकीय गीत के समावेस करे जाही। वो हा कैलेण्डर अउ सीट कैलेण्डर के प्रकासन म गुणवत्ता के धियान रखे के निर्देस देहे।

बइठक म (chhattisgarh ) सचिव सामान्य प्रसासन डी.डी.सिंह, सचिव संस्कृति अन्बलगन पी., सचिव खेल अउ युवा कल्याण एन.एन. एक्का, संयुक्त सचिव जनसम्पर्क विभाग उमेश मिश्रा उपस्थित रिहीन।