सूरजपुर : सिलफिली गौठान के कहानी, समूह के माई लोगन मन के की जुबानी

प्रदेश सरकार के फ्लेगशिप योजना नरवा, गरुवा, घुरवा, बाड़ी ले निर्मित गौठान ग्रामीण क्षेत्र मन म रोजगार के प्रमुख केन्द्र बन गे हे। गौठान मन म शासन के किसम-किसम के उदिम संचालित करे जात हे। ए योजना के संचालन कर महिला समूह मन ले अलग-अलग अजीविका मूलक गतिविधि मन ले जोड़के ओमन ल आत्मनिर्भर बनाए जात हे।

किसम-किसम के उदिम ले जुड़के महिला समूह मन ह आर्थिक दृष्टि ले मजबूत होवत हे उहें अपन अऊ अपन परिवार के जरूरत ल पूरा करे म सक्षम बनत हे। सूरजपुर जनपद पंचायत के सिलफिली गौठान म संचालित कई रोजगार मूलक गतिविधि मन ले जुड़के ग्रामीण महिला मन स्वावलंबन के रद्दा म अग्रसर होवत हे।

गोठान म वर्मी कम्पोट निर्माण कर करईया दुर्गा स्व-सहायता समूह के महिला मन कोती ले वर्मी कम्पोस्ट राशि 614520 रूपये के लाभ विक्रय कर कमावत हे। अईसने गौठान म कुकरी पालन, छेरी पालन, मशरूम उत्पादन, सब्जी उत्पादन कर 51206 रूपया के लाभ कमाए गे हे। अभी के बेरा म समूह कोती ले गौठान म मक्का, भिंडी, लौकी के उत्पादन घलो करे जात हे।