भारत म कोरोना के कुल मरीज मन के संख्या ह 1.98 लाख ले होइस जियादा, 24 घंटा म आय हे 8171 नवा मामले

जय जोहार…. भारत म कोरोना के मामले ह सरलघा बाढ़त जात हे। पिछले 24 घंटा म कोरोना के 8171 नवा मामले के पहचान होय हे। एखर संग देश म कुल मरीज मन के संख्या ह 1 लाख 98 हजार 706 पहुंच गे हे। संक्रिय संक्रमित मन के संख्या ह 97581 हो गे हे। जबकि 95527 मरीज मन ह स्वस्थ होके अपन घर लहुट चुके हे।

कोरोना ले सबले जियादा प्रभावित महाराष्ट्र हे। इहां कुल मरीज मन के संख्या ह 70 हजार ले जियादा हे। जबकि एक्टिव केस ह 37543 हे। ए प्रदेश म 2362 लोगन मन के जान चले गे हे। ऊहचे 30 हजार ले जियादा लोगन मन ह स्वस्थ हो गे हे। तमिलनाडु म 23 हजार ले जियादा मामले सामने आये हे। जेमा 184 लोगन मन के मौत हो गे हे।

कोरोना के कुल केस के मामले म तीसर नंबर म दिल्ली हे। इहां अब तक 20834 मामले सामने आये हे। जेमा ल 523 लोगन मन के जान चले गे हे। जबकि 8746 लोगन मन ह स्वस्थ हो गे हे।