ए प्रयोग लाइस रंग, बिना अटके अऊ हिचके जिला के आदिवासी बच्चा मन बोलत हे अंग्रेजी

जय जोहार धमतरी…. जिला म आदिवासी कमार बच्चा मन ल अंग्रेजी सिखाए बर एक नवा प्रयोग करे जात हे। ए प्रयोग के अब असर घलो दिखे ल लगत हे। जेमा बच्चा मन ह उत्साहित होके आसानी ले अंग्रेजी सीखत हे। ए प्रयोग के नाम स्क्वायर पांडा हे। ए एक शिक्षा पद्धति हे।

जेमा बच्चा मन के हाथ म टेबलेट देके ओ मन ल पढ़ाए जात हे। हरेक 10 बच्चा मन के पीछे एक टेबलेट दिए गे हे। स्क्वायर पांडा एप के जरिए ओमन ल खेल खेल म अंग्रेजी सिखाए जात हे। ए प्रयोग धमतरी के सात स्कूल मन म फिलहाल पायलट प्रोजेक्ट के तहत चलाए जात हे।