पढ़व…..ये अधिकारी ह करिस अइसे काम जे ह बनगे अनोखा मिसाल..

सुकमा। जिला के एक अधिकारी ह मानवता के अनोखा मिसाल पेस करिस हे, जेला जान के आपम घलो उमन ल सलाम करे लगहूं। वइसे बस्तर के वनांचल क्षेत्र मा कतको अइसे गांव हे जिहां बारिस के दिन मन म आया-जाय म तकलीफ होथे। येती नक्सली मन के दहसत के चलत ये इलाका म सड़क घलो नइ बन पात हे। आलम अइसे हे के सरकारी योजना मन इहां पहुंचत-पहुंचत दम तोड़ देथे। इहां सिरिफ नक्सली, ग्रामीन या फेर पुलिस जा सकत हे।
दरअसल तेमेलवाड़ा म बीती रात के एक गरभवती महिला ल प्रसव पीड़ा के सूचना मिलीस। सूचना मिलत ही महिला अउ बाल विकास विभाग के टीम महिला के घर पहुंचिन।। टीम के संग बेभाग के अधिकारी सुधाकर बोदले घलो मवजूद रहिन हे। करीबन 2 किलोमीटर खटिया म लादके महिला ल वाहन तक पहुंचाय गिस। फेर उहां ले दोरनापाल अस्पताल लाय गिस। ये कोसिस अइसे दुरगम इलाका मन बर एक मिसाल ले कम नइए।
सुकमा बाल विकास विभाग अधिकारी सुधाकर बोदले ह कहिन के सासन ह मोला जे काम बर भेजे हे, मैं वो काम ल करत हव। अपन जुम्मेदारी निभावत हव।