मौसम ह लिस फेर अंगड़ाई, प्रदेश के कई हिस्सा म तेज हवा के संगेसंग बारिश के संभावना

जय जोहार रायपुर…. प्रदेश म मौसम के उतार-चढ़ाव ह जारी हे। प्रदेश के कई हिस्सा म तेज हवा के संगेसंग बारिश हाेए के संभावना हे।

मौसम केंद्र रायपुर के ओर से जारी त्वरित पूर्वानुमान बुलेटिन म बताए गे हे कि अवइया चार घंटा म बलरामपुर, सरगुजा, जशपुर, बिलासपुर, मुंगेली, कोरबा, जांजगीर, रायगढ़, कवर्धा, बेमेतरा, राजनांदगांव, दुर्ग, रायपुर अऊ बलौदाबाजार म एक –दु स्थान म तेज हवा, बारिश होए के संभावना हे।

मौसम वैज्ञानिक के अनुसार एक द्रोणिका दक्षिण झारखंड ले उड़ीसा तटीय आंध्रप्रदेश होत हुए तेलंगाना तक 0.9 किलोमीटर के ऊचाई म स्थित हे। ऊहचे एक चक्रवर्ती घेरा विदर्भ अऊ ओखर आसपास म 2.1 किलोमीटर ऊंचाई तक स्थित हे। एखर वजह ले प्रदेश के मौसम म परिवर्तन होत हे।