chhattisgarh म ए महीना के तीसरइया सप्ताह ले सुरु होही तेंदूपत्ता संग्रहण के काम, पढ़व

जय जोहार। छत्तीसगढ़ (chhattisgarh ) म बछर 2023 के दउरान तेंदूपत्ता संग्रहण के काम चालू महीना अप्रैल के तीसरइया सप्ताह ले सुरु हो जाही । वन मंत्री मोहम्मद अकबर के निर्देसानुसार वन विभाग के प्रमुख सचिव मनोज पिंगुआ अउ प्रधान मुख्य वन संरक्षक संजय शुक्ला के मार्गदर्शन म बछर 2023 म तेंदूपत्ता संग्रहण काम के सुचारू संचालन बर विभाग डहार ले तईयारी जोरो म हे ।

राज्य लघु वनोपज संघ ले प्राप्त जानकारी के अनुसार ए बछर तेन्दूपत्ता विक्रय के बाद आगू के कार्यवाही ऑनलाइन करे बर पोस्ट बिड सेल मैनेजमेंट साफ्टवेयर तईयार कराए गेहे । जेखर ले क्रेता नियुक्ति आदेश, क्रेता डहार ले क्रेता करारनामा अउ अन्य काम ल ऑनलाइन सम्पादन करे जाही । जेखर ले दूर-दराज के क्रेता ल अपन स्थान ले ही सबो काम सॉफ्टवेयर के माध्यम ले करे जा सकही ।

उल्लेखनीय हे कि राज्य सरकार डहार ले बछर 2019 ले तेन्दूपत्ता संग्रहण दर 2500 रुपिया प्रति मानक बोरा ले बढ़ाके 4000 रुपिया प्रति मानक बोरा निर्धारित करे गेहे। छत्तीसगढ़ राज्य म बछर 2023 म संग्रहित होवइया 902 प्राथमिक वनापेज सहकारी समिति के 954 ठन लाट के अधिसूचित मात्रा 16.72 लाख मानक बोरा तेन्दूपत्ता के अग्रिम विक्रय बर कई तिथि म आनलाइन निविदाआमंत्रित करे गे रिहीस ।