जय जोहार…. महाधिवक्ता कार्यालय, बिलासपुर म काली ले कामकाज ह सुरू होही। कार्यालय म काम करइया सब्बो अधिकारी अउ कर्मचारी मन ल स्वास्थ्य विभाग के निर्देश के पालन करे ल होही।
महाधिवक्ता सतीशचंद्र वर्मा की ओर ले बुधवार को कार्यालयीन आदेश जारी करे गे हे।
एमा बताय गे हे कि कार्यालय म काम करइया एक कर्मचारी के कोरोना पाजिटिव पाय जाय के बाद कार्यालय ल कुछु समय बर बंद कर दे गे रिहिस।
एखर बाद सब्बो अधिकारी अउ कर्मचारी मन के कोरोना जांच करवाय गे रिहिस, जेमा ले चार कर्मचारी मन के रिपोर्ट ह पाजिटिव आय रिहिस। बाकी सब्बो कर्मचारी मन रिपोर्ट ह निगेटिव रिहिस।
उच्च न्यायालय ले कार्यालय के संबंद्धता ल धियान म रखत हुये न्यायालय के कामकाज ह प्रभावित न हो, एखर बर 9 जुलाई ले कामकाज ल फेर ले सुरू करे जावत हे।
एखर संग कार्यालय म काम करइया सब्बो अधिकारी अउ कर्मचारी ह मास्क पहनने के संग अपन हाथ ल अच्छा तरह ले धोवत रही।
No Comment! Be the first one.