mahasamund : लोहारडीह म बनही रंगमंच, संसदीय सचिव ह करीन डेढ़ लाख रुपिया के घोसना
जय जोहार। महासमुंद (mahasamund) जिला के ग्राम लोहारडीह के महिला मन ह संसदीय सचिव अउ विधायक विनोद सेवनलाल चंद्राकर ले मुलाकात करीन। ए दउरान ओमन ह गांव म रंगमंच निर्माण के संग परसापानी ले डेगना नारा पहुंच रद्दा निर्माण के डहार ध्यान ल आकर्षित कराइन । जेमा संसदीय सचिव श्री चंद्राकर ह तत्काल रंगमंच निर्माण बर डेढ़ लाख रुपिया के रासि दे के घोसना करीन । उहें पहुंच रद्दा बर फारेस्ट के जमीन होय के सेती अफसर ले चर्चा कर उचित पहल करे के आश्वासन दीन ।
मंगलवार के (mahasamund) ग्राम पंचायत लोहारडीह के इंदुमती निषाद, गौरी यादव, मिथलेश्वरी निषाद, नर्मदा बाई, दिप्ती ठाकुर, शकुंतला, रेवती बाई, गैंदी बाई, राम बाई, तुलसीबाई, हेमीन निषाद, आसमती ध्रुव, सेतकुमारी, इंदुबाई, चुनेश्वरी, पूर्णिमा बाई, नूतन बाई, मानकी बाई ह संसदीय सचिव निवास पहुंचके संसदीय सचिव श्री चंद्राकर ले मुलाकात करीन। ए दउरान महिला मन ह बताइन कि ग्राम पंचायत लोहारडीह के वार्ड क्रमांक सात पेंड्राडीह म रंगमंच निर्माण के जरूरत हे । रंगमंच नई होय ले आयोजन म काफी परेसानी के सामना करे ल पड़त हे । वो हा इहां रंगमंच निर्माण के मांग रखीन ।
अइसने महिला मन ह वार्ड क्रमांक 15 परसापानी ले डेगना नारा पहुंच रद्दा के जरूरत बताइन । वो हा बताइन कि पहुंच रद्दा नई होय ले काफी परेसानी के सामना करे ल पड़त हे । खासकर बरसा के दिन म आवाजाही म काफी दिक्कत आत हे । जेमा (mahasamund) संसदीय सचिव श्री चंद्राकर ह विधायक निधि ले रंगमंच निर्माण बार डेढ़ लाख रुपिया के रासि दे के घोसना करीन । उहें पहुंच रद्दा बर वन विभाग के अफसर ले चर्चा कर उचित पहल करे के आश्वासन दीन ।
