विस्व उच्च रक्तचाप दिवस काली, थीम हे ‘‘नो योअर नंबर’’

रायपुर। काली 17 मई के विस्व उच्च रक्तचाप दिवस हे । वर्ष 2018 के थीम ‘‘नो योअर नंबर’’ हे । स्वास्थ्य संचालक ह बताइस कि हरके बरिस ये दिवस ल विस्व उच्च रक्तचाप दिवस के रूप मनाए जात हे । थीम के मतलब हे कि समाज म उच्च रक्तचाप बर जागरूकता लाना हे अउ स्वयं ल जागरूक होना हे । उमन बताया कि बरिस 2017-18 म मात्र 14 जिला म 30 हजार ले अधिक उच्च रक्तचाप के नवा मरीज मिलिस हे ।उहें 19 हजार ले अधिक मरीज फालोअप के हे। उमन बताइस कि 30 बरिस ले या ओखर ले जादा उमर वाले मनखे ल हमेशा ब्लड प्रेशर अउ शुगर के नियमित जांच कराना चाही। अउ नियमित जीवनशैली ल अपनाके मनखे ह लंबा जीवन यापन कर सकत हे।