एक अऊ मामला लापता के , दुर्ग के सत्यम रायपुर ले गायब , १५ जनवरी ले अभी तक कोई पता नई

जय जोहार रायपुर… उद्योगपति प्रवीण सोमानी के अभी तक कोई सुराग नई मिल पाय हे अऊ इही बीच एक अऊ कारोबारी के कटोरा तालाब इलाका ले लापता होए के मामला सामने आगे हे,

कारोबारी सत्यम अग्रवाल 15 जनवरी के कटोरा तालाब स्थित एक निकट संबंधी महिला ले मिले बर आय रिहिस ओखर बाद ऑफिस जाए बर निकल गिस लेकिन घर नई पहुंचिस , सत्यम के पत्नी ह थाना दुर्ग म शिकायत कर के जानकारी दे हे, टी.आई. ह किहिस कि सत्यम के गुमशुदगी दर्ज कराए के बाद महिला न तो बयान दर्ज कराए बर थाना आईस अऊ न ही वो ह सत्यम के फोटो पुलिस ल उपलब्ध कराय हे,

प्रारंभिक जांच म घरेलू विवाद के चलत सत्यम के गायब होए के बात सामने आवत हे,  पुलिस सत्यम के मोबाइल के कॉल डिटेल अऊ सीडीआर निकलवात हे , उद्योगपति प्रवीण सोमानी वाले घटना के बाद पुलिस बहुत सतर्कता बरतत रिहिस, ये मामला म लगातार कारोबारी ल खोजे के कोशिश करे जात हे .