गणतंत्र दिवस अउ महात्मा गांधी निर्वाण दिवस म मांस-मटन के बिक्री म रहि पूर्ण प्रतिबंध

रायपुर : रायपुर नगर निगम क्षेत्र म 26 जनवरी के गणतंत्र दिवस अउ 30 जनवरी के महात्मा गांधी निर्वाण दिवस म मांस-मटन के विक्रय पूर्णतः प्रतिबंधित रहि। राज्य शासन के नगरीय प्रशासन अउ विकास विभाग ह जारी आदेश के अनुपालन म रायपुर नगर निगम के स्वास्थ्य विभाग के कोती ले ए संबंध म आदेश जारी करे गे हें।

रायपुर नगर निगम ह 26 जनवरी अउ 30 जनवरी ल पशुवध गृह अउ मांस-मटन विक्रय के जम्मों दुकान मन बंद रखे के संबंध म आदेश प्रसारित करिन हे। ए दुनों दिवस म कोने भी ह दुकान म मांस-मटन के बिक्री करत पाए जाही, त जप्ती के संग ही संबंधित व्यक्ति के विरूद्ध यथोचित कार्यवाही करे जाहि। गणतंत्र दिवस अउ महात्मा गांधी निर्वाण दिवस म रायपुर नगर निगम के जम्मों जोन के स्वास्थ्य अधिकारी अउ स्वच्छता निरीक्षक मांस-मटन के विक्रय म प्रतिबन्ध के आदेश के व्यवहारिक पालन सुनिश्चित करवाहि। एखर बर ओमन ल अपन-अपन जोन म मांस-मटन के दुकान के सतत पर्यवेक्षण बर निर्देशित करे गे हे।