डोंगरगढ़ म होवत हे भारी बारिश, असर पूरा छत्तीसगढ़ म, शीत लहर के प्रकोप घलो

जय जोहार रायपुर.. धार्मिक नगरी डोंगरगढ़ म आज सुबह से लगातार बारिश होवत हे, जेखर कारण नगर म ठण्ड के प्रकोप बाढत हे, लोगन मन अलाव के सहारा लेवत हे, एती पूरा छत्तीसगढ़ म शीत लहर के असर देखे जात हे.

जशपुर,अंबिकापुर अऊ जगदलपुर म भारी ठण्ड पडत हे, प्रदेश के मुख्यमंत्री ह ठण्ड के प्रकोप ल देखत हुए राज्य के कलेक्टर अऊ नगर निगम ल अलाव जलवाय के अऊ रैन बसेरा म कम्बल के पूर्ती के आदेश दे हे.

मौसम विभाग ले मिले जानकारी के अनुसार राज्य के कई हिस्सा म शीत लहर के असर हे अऊ एक दू दिन राज्य म अइसने ठण्ड पड़े के संभावना हे.