रायपुर : छत्तीसगढ़ म लोकसभा चुनाव के तारीख मन के ऐलान होवइया हे, लेकिन छत्तीसगढ़ म कांग्रेस अउ भाजपा ल छोड़के अन्य कोनो दल के सक्रियता चुनाव ल ले के नजर ही नई आवत हे.
उहें विधानसभा चुनाव म बेहतर प्रदर्शन करइया जेसीसी जे ले घलो लगातार नेता मन के पार्टी छोड़े ले ले पार्टी एक तरीका ले अधर म चले गे हे. कहीं न कहीं एखर असर आवइया चुनाव म घलो पड़ सकत हे. प्रमुख पार्टी मन के सक्रियात के अलावा थर्ड फ्रंट के पार्टी मन म फिलहाल मायूसी छाए हुए हे.
सूबा मे होवइया लोकसभा चुनाव म ए बेर अइसे लगत हवय के मुख्य मुकाबला भाजपा अउ कांग्रेस के बीच म ही रहइया हे. कांग्रेस के संग ही भाजपा घलो अधिकतम सीट जीते के दावा करत हे.
कांग्रेस प्रवक्ता सुशील आनंद के कहिना हे के छत्तीसगढ़ के तासीर म तीसरे दल के अस्तित्व ही नईए. विधानसभा म कांग्रेस ह बड़का जीत हासिल करे हे. जेसीसी जे भाजपा के बी टीम रूप म ही सामने आही.
छत्तीसगढ़ के दूनों ही राष्ट्रीय दल मन के कहिना हे के उंखर अलावा दूसर अन्य पार्टी ल कोनो सीट नइ मिलइया हे. भाजपा घलो सूबा म तीसर कोनों भी विकल्प होए ले इनकार करत हे.
भाजपा प्रवक्ता संजय श्रीवास्तव के कहिना हे, कांग्रेस ले अलग हो के जरूरी जेसीसी जे पार्टी के निरमान होइस हे. लेकिन पार्टी म कांग्रेस के ही लोग रहिस हे. अउ वो सत्ता के तरफ ही दउड़त हे .अउ अइसे ही होवत हे.
विधानसभा चुनाव म 14 प्रतिशत वोट हासिल करे के संग ही 5 सीट जीते म जेसीसी जे कामयाब रहीस. उंहे बसपा ह गठबंधन के संग 2 सीट म पर कब्जा करिस हे. जाहिर हे बड़का वोट प्रतिशत म कब्जा जरूर जेसीसी जे ह कर लिस.
जेसीसी जे प्रवक्ता नितिन भंसाली के दावा हे के, लोकसभा म घलो पार्टी बेहतर प्रदर्शन करही. लेकिन बड़का नेता लगातार पार्टी छोड़ के जात हवय.
हाल ही म सियाराम कौशिक के संग ही 5 नेता मन ह पार्टी ल अलविदा कहि के कांग्रेस ज्वॉइन कर लिस. एखर पहिली घलो बड़ संख्या म लोगन पार्टी छोड़ चुके हे, जेखर ले लोकसभा म विधानभा जइसे प्रदर्शन दोहराए के उम्मीद कम नजर आवत हे.
Other Articles
