Chhattisgarh म मानसून आय म हो सकथे देरी, अभी प्री मानसून के होवत हे बारिश

जय जोहार…. छत्तीसगढ़ (chhattisgarh) म मानूसन आय म देरी हो सकत हे। राज्य म अभी प्री मानसून के बारिश होवत हे। इहां 20 जून के बाद मानसून के बारिश होय के संभावना हे।

मौसम विभाग के मुताबिक मानसून ह एक जून के तय समय म आ गे रहिस अऊ सक्रिय घलो रहिस, लेकिन साइक्लोन होय के सती वो डिस्टर्ब हो गिस। जेखर ले कुछु दिन तक मानसून ह कमजोर पड़ गे हे। आज ले थोड़कीन सक्रिय दिखत हे, अइसे ही सक्रियता ह रही, तब घलो 20 जून के बाद मानसून के छत्तीसगढ़ (chhattisgarh) म आय के संभावना हे।

अभी छत्तीसगढ़ (chhattisgarh) के जेन स्थिति हे, अवइया सप्ताह म हर दिन पानी गिरे के उम्मीद हे, लेकिन मानसूनी बारिश नई होही। क्योंकि मानसूनी वर्षा ह व्यापक क्षेत्र म होवत हे।