राजधानी समेत ये जिला मन म होही बारिश, तेज हवा के संग ओला गिरे के घलो संभावना

जय जोहार रायपुर…. प्रदेश म एक बार फेर मौसम म बदलाव देखे बर मिलही। मध्य उत्तर छत्तीसगढ़ के कई स्थान मन म हल्की ले मध्यम वर्षा अऊ ओला गिरे के संभावना हे। दक्षिण छत्तीसगढ़ म 12 स्थान मन म हल्की ले मध्यम वर्षा हो सकत हे। गुरुवार शाम अऊ शुक्रवार बिहिनिया ले तेज हवा के संग बारिश होए के संभावना हे। देर रात घलो तेज हवा के संग हल्की बारिश होए रहिस। मौसम विभाग के तरफ ले ऑरेंज अलर्ट जारी करे गे हे।

बतावत जात हे कि 5 ले 6 मार्च के बीच प्रदेश के कोरिया, बलरामपुर, सरगुजा, सूरजपुर, जशपुर, कोरबा, रायगढ़, बिलासपुर, जांजगीर, कबीरधाम  के संगेसंग बेमेतरा, राजनांदगांव, दुर्ग, रायपुर, बलौदाबाजार, महासमुंद अऊ धमतरी जिला  म एक- दो स्थान मन म हल्की ले मध्यम वर्षा अऊ ओला गिरे के संभावना हे।