मई महीना म सबो सनिच्चर अऊ रविवार के प्रदेश म रही पूर्ण लॉकडाउन, सीएम ह गृहमंत्री के सुझाव म दिस सहमति

जय जोहार…. कोरोना वायरस कोविड-19 ले बचाव बर मुख्यमंत्री भूपेश बघेल ह प्रदेश के गृहमंत्री ताम्रध्वज साहू के सुझाव ल सहमति प्रदान कर दे हे। जेमा वो हा प्रदेश म मई महीना के सबो सनिच्चर अऊ रविवार के प्रदेश म लॉकडाउन करे के सुझाव दे हे।

मई महीना के सबो सनिच्चर अऊ रविवार के अब पूरा प्रदेश म लॉकडाउन रही। मुख्यमंत्री भूपेश बघेल ह ए लॉकडाउन म सब्जी, दूध, चिकित्सा समेत अन्य अत्यावश्यक सेवा ल चालू रखे ल केहे हे। कोरोना वायरस के प्रसार ल रोके बर राज्य सरकार के तरफ ले ये अहम कदम उठाये गे हे। जेखर तहत अब पूरा महीना के सनिच्चर अऊ रविवार के दिन प्रदेश म लॉकडाउन रही।