Corona: अम्बिकापुर म अवइया मंगलवार अउ बुधवार के पूर्ण लॉकडाउन, पढो पूरा खबर

जय जोहार…. सरलघा बाढ़त कोरोना (corona) मरीज मन ल देखत हुये जिला प्रशासन ह अवइया मंगलवार अउ बुधवार के अम्बिकापुर शहर म संपूर्ण लॉकडाउन रखे के फइसला ले हे।

जेमा आवश्यक सेवा प्रदान करइया प्रतिष्ठान ल छोड़ के सब्बो प्रतिष्ठान ह बन्द रही। किराना अउ सब्जी बाजार ह घलो बन्द रही।
आप मन ल बता देन कि अनुविभागीय अधिकारी अउ इंसिडेन्ट कमांडर अजय त्रिपाठी के तरफ ले आदेश जारी करे गे हे।

जेमा कोरोना (corona) कोविड-19 के संभावित संक्रमण ल रोके बर शहर के व्यापारिक प्रतिष्ठान ल सप्ताह म दू दिन मंगलवार अउ बुधवार के बंद करे के आग्रह करे गे हे। ।
बता देन कि सरगुजा जिला के अम्बिकापुर म 32 कोरोना (corona) मरीज मन के इलाज ह चलत हे, जेमा सरगुजा ले 28, कोरिया ले 2, बलरामपुर ले एक अउ सूरजपुर जिला के एक मरीज ह कोविड अस्पताल अम्बिकापुर म भर्ती हे।

अब तक कोविड अस्पताल म 248 संक्रमित मन ल भर्ती करे गे हे, जेमा ले 214 मरीज मन ह कोरोना ल मात दे के अपन घर लहुट चुके हे।