जय जोहार…. मुख्यमंत्री भूपेश बघेल के अध्यक्षता म बीते दिवस उच्च स्तरीय बइठक के आयोजन करे गे रहिस। ए बइठक म ले गे निर्णय के अनुसार राज्य सरकार के तरफ ले आर्थिक गतिविधि के संचालन, क्वारेंटाइन सेंटर के व्यवस्था, रेड, आरेंज जोन के निर्धारण के संबंध म विस्तार ले दिशा-निर्देश जारी करे गे हे।
एखर खाती मई महिना के आखिरी सनिच्चर अऊ इतवार के होवइया पूर्ण लॉकडाउन ल निरस्त कर दे गे हे। एखर सेति अवइया सनिच्चर अऊ इतवार के पूर्ण लॉकडाउन नई रही। सब्बो दुकान अऊ संस्था जेन भारत सरकार के गृह मंत्रालय अथवा राज्य सरकार के तरफ ले प्रतिबंधित नई हे, वे सप्ताह के छह दिन बिहनिया सात बजे ले शाम सात बजे तक खुले रही।
दुकान अऊ व्यावसायिक संस्था ह पहिले जइसन खुलही, लेकिन वर्तमान म जारी समय सीमा अऊ साप्ताहिक छुट्टी के पालन कर ल होही। बड़ अकन घने बाजार म भीड़ ल कम करे बर स्थानीय स्तर म व्यवस्था सुनिश्चित करे जाही। रद्दा बाजू सामान बेचइया बर स्थानीय निकाय के तरफ ले स्थान अऊ बेरा ल तय कर फिजिकल डिस्टेंस के पालन ल सुनिश्चित करे जाही। ए व्यवस्था ल सुनिश्चित करे बर स्थानीय व्यापारी संघ के संग चर्चा के निर्देश दे गे हे। व्यावसायिक आटो अऊ टैक्सी के परिचालन ह 28 मई ले परिवहन विभाग के तरफ ले जारी दिशा-निर्देश के तहत सुरू हो गे हे।
No Comment! Be the first one.