प्रदेश म फेर होही बारिश, तेज हवा के संगेसंग ओला गिरे के घलो संभावना

जय जोहार रायपुर…. छत्तीसगढ़ म मौसम के बदलत मिजाज ल देखत हुए मौसम विभाग ह एक बार फेर चेतावनी जारी करे हे। मौसम विभाग ह राज्य के कई जिला मन म तेज बारिश के संगेसंग ओला गिरे के अति संभावना जताए हे। अवइया चार घंटा म मौसम ह ज्यादा प्रभावित होए के चेतावनी जारी करे गे हे।  

मौसम वैज्ञानिक के अनुसार अवइया चार घंटा म छत्तीसगढ़ के सरगुजा, बलरामपुर, सुरजपुर, जशपुर, कांकेर, नारायणपुर, कोंडागांव, बस्तर, बीजापुर, दंतेवाड़ा अऊ सुकमा जिला मे एक दु स्थान म गरज चमक, तेज हवा अऊ बारिश के संग ओला गिरे के संभावना हे। मौसम विभाग ह रेड अलर्ट जारी करे हे।