अब नई होय व्यापम के एकोठन प्रवेश परीक्षा, आदेश हो गे जारी

जय जोहार…. कोरोना महामारी सती ए साल व्यापम के तरफ ले आयोजित होवइया प्रवेश परीक्षा पीईटी, पीपीएचटी, पीपीटी अउ पीएमसीए ह नई होही। ए संबंध म छत्तीसगढ़ सरकार के कौशल विकास तकनीकी शिक्षा अउ रोजगार विभाग के अवर सचिव ह आदेश जारी कर दे हे।
ए आदेश के अनुसार शैक्षणिक सत्र 2020-21 बर तकनीकी पाठ्यक्रम बैचलर ऑफ इंजीनियरिंग, बैचलर ऑफ फार्मेसी, डिप्लोमा इन फार्मेसी, डिप्लोमा इन इंजीनियरिंग अउ मास्टर ऑफ कम्प्युटर एप्लीकेशन म प्रवेश के कार्यवाही व्यापमं के तरफ ले आयोजित होवइया पीपीटी, पीईटी, पीपीएचटी अउ पीएमसीए के स्थान म उक्त तकनीकी पाठ्यक्रम म प्रवेश के पात्रता बर निर्धारित शैक्षणिक अर्हता के अनुसार अर्हंकारी परीक्षा म प्राप्त अंक के आधार म करे के अनुमति प्रदान करत हे।