स्कूल समेत सबो विभाग मन म अब होही मैनुअल अटेंडेंस, कोरोना वायरस के डर ले सरकार ह लिस फैसला

जय जोहार रायपुर…. छत्तीसगढ़ म कोरोना वायरस के खौफ काफी बढ़ गे हे। राज्य सरकार ह अलग-अलग विभाग मन बर जिहां एडवायजरी जारी करे हे, त ऊहचे मुख्यमंत्री भूपेश बघेल ह घलो होली मिलन के अपन सबो कार्यक्रम ल रद्द कर दे हे। एती सामान्य प्रशासन विभाग ह सबो विभाग मन म बायोमेट्रिक अटेंडेंस म रोक लगा दे हे।

राज्य सरकार के तरफ ले जीएडी ह सबो विभाग मन ल निर्देशित करे हे कि 31 मार्च तक के कोनो सरकारी कार्यालय मन म बायोमेट्रिक के इस्तेमाल नई करे जाही। ये फैसला ल इसलिए ले गे हे, क्योंकि कोरोना वायरस के संक्रमण इंफेक्टेड व्यक्ति ल छूए या टच करे ले फैलत हे। अइसे म एक बायोमेट्रिक ल बार-बार अलग-अलग लोग मन के छूए ले एखर फैलने के खतरा बढ़ जात हे।