जय जोहार…. राजधानी रायपुर म नवा कोरोना मरीज मिले के बाद जिला प्रशासन ह कई इलाके ल कन्टेनमेंट जोन घोसित करे हे। ए जोन घोसित तीन इलाके म सब्बो दुकान, ऑफिस अऊ आन वाणिज्यिक प्रतिष्ठान ह अवइया आदेश तक बंद रही। सिरिफ होम डिलीवरी ले आवश्यक समाग्री ल दे जा सकही। केवल मेडिकल इमरजेंसी ल छोड़ के कोनो भी बाहर ले अन्दर अऊ अन्दर ले बाहर नई जा सकही। वो घलो सिरिफ एक द्वार ले प्रवेश ह मिलही। सोशल डिस्टेंसिंग अऊ मास्क लगाना ह अनिवार्य होही। नगर निगम के अंतर्गत टाटीबंध म एक नवा कोरोना पाजिटिव केस पाय जाय के बाद उक्त क्षेत्र ल कन्टेनमेंट जोन घोसित करे गे हे।
अपर कलेक्टर ह गुरुद्वारा के पीछे टाटीबंध के पश्चिम म सानीदय बालिय्या के मकान, दक्षिण-पश्चिम म जितेन्द्र पाल के मकान, उत्तर म केआर प्रसाद के मकान तक अऊ पूर्व म एमआईजी 2 के मकान ल कन्टेनमेंट जोन घोसित करे हे।
संजय नगर म नया कोरोना केस मिले के बाद पूर्व म थाना टिकरापारा मेन रोड, पश्चिम म गली नंबर 2, उत्तर म झंडा चौक संजयनगर अऊ दक्षिण म राधाकृष्ण मंदिर संजय नगर ल कन्टेनमेंट जोन घोसित करे गे हे।
रायपुर म तिल्दा विकासखण्ड के ग्राम छड़िया म नवा कोरोना पाजिटिव केस पाय जाय के बाद पूर्व म चुहिया तालाब अऊ खुला परिसर, पश्चिम म लखन वर्मा के मकान, उत्तर म लक्ष्मीनारायण कोसले के मकान अऊ दक्षिण म सतनाम चौक ल कन्टेनमेंट जोन घोसित करे गे हे।
