कोरोना ले जंग, ए जिला म पुलिस ह निकालिस फ्लैग मार्च

जय जोहार…. छत्तीसगढ़ के मुंगेली जिला म कोरोना संक्रमित मरीज मन के संख्या ह सरलघा बाढ़त जात हे। ए जिला म एक के बाद एक पाजिटिव केस ह सामने आवत हे। जेमा अधिकतर संक्रमित मरीज ह प्रवासी मजदूर हे। जेला देखत हुये पुलिस के अधिकारी मन ह जिला म आज फ्लैग मार्च निकालिस। ए दौरान अतिरिक्त पुलिस अधीक्षक सीडी तिर्की, अनुविभागीय अधिकारी पुलिस तेजराम पटेल समेत आन अधिकारी ह मौजूद रहिस। फ्लैग मार्च निकालत हुये पुलिस ह लोगन मन ले घर म रहे के अपील करिन।

गौरतलब है कि मुंगेली जिला म अब तक कोरोना के 43 पाजिटिव मामले ह सामने आ गे हे। बीते सोमवार को तीस संक्रमित मरीज मिले हे, जेन ह आगरा ले लहुटे रहिस। बता देन कि नियम के उल्लंघन करइया के खिलाफ कानूनी कार्रवाई घलो करे जावत हे। अब तक नियम तोड़इया लगभग 300 लोगन मन म धारा 188, 269 के तहत प्रकरण दर्ज करे जा चुके हे।