ए शहर के युवक ह कम कीमत म करिन अनोखा अविष्कार, पढो पूरा खबर

जय जोहार…. कोरोना के संकट ह आज पूरा विश्व म छाया हे। लोगन मन ह परेशान हे अऊ मजदूर ले लेके उद्योगपति तक हर कोनो ह चिंतित हे कि आघू का होही। ए संकट म घलो का नवा अवसर ह हो सकत हे। बिल्कुल हो सकत हे, लेकिन एखर बर आप मन ल धमतरी के युवक अमर सोनी के दृष्टिकोण के प्रेरणा लेना होही। वो हा किचन एप्लाइंसेस के काम करत हे।

अईसे म अमर ह अपन पास मौजूद कुछु इलेक्ट्रिक मोटर, पाइप, सेंसर अऊ एलुमिनियम के इस्तेमाल ले अनोखा अविष्कार करे हे। अमर ह एक फूली आटोमेटिक बॉडी सेनिटाइजर मशीन बनाये हे, जेन बिजली ले चलत हे। एखर अंदर जात ही ये अपन आप ही चालू हो जावत हे अऊ सेनिटाइजर के बौछार होय ल लगत हे। केवल कुछु सेकंड म एक आदमी ह सेनेटाइज हो जावत हे।

अमर सोनी ह बताइस कि ए मशीन ल बनाये म 20 ले 22 हजार रूपिया के खर्च आये हे अऊ महज 48 घंटा म तैयार हो सकत हे। जबकि अइसनहे बाजार म मिलइया आटोमेटिक मशीन ह काफी महंगा मिलत हे। ए मशीन ल अपन एक सहयोगी के संग मिल के तैयार करे हे।