jagdalpur के ए क्षेत्र ह होइस कन्टेनमेंट जोन घोसित

जय जोहार…. कोरोना संक्रमित मरीज मिले के बाद जगदलपुर (jagdalpur) शहर के संजय मार्केट ल कन्टेनमेंट जोन घोसित करे गे हे। जिला प्रशासन ए क्षेत्र ल कन्टेनमेंट जोन के संगेसंग बफर जोन घलो घोसित करे हे।
जानकारी के मुताबिक (jagdalpur) शहर म बाढ़ते कोरोना संक्रमित मरीज के संख्या, महामारी ले बचाव अउ रोकथाम के मद्देनजर जिला प्रशासन ह नगर निकाय क्षेत्र म 23 से 30 जुलाई तक लॉकडाउन करे के आदेश जारी करे रिहिस।

इहीं क्रम म शहर म सबले जादा भीड़ वाला संजय मार्केट ल घलो 15 दिन बर बंद करे के फइसला जिला प्रशासन ह ले हे।
मिले जानकारी के अनुसार (jagdalpur) ए क्षेत्र ह बफर जोन घोसित होय के सती विक्रेता ह अपन सामान ल बाजार ले नई बेच सकत हे, लेकिन दुकान ले सामान ले के व्यापारी ह दूसर खुले जगह म जा के सामान ल बेच सकत हे।