जय जोहार…. (Bjp) संविदा स्वास्थ्य कर्मी मन के हड़ताल के समर्थन करत हुए भाजपा के तीन सांसद ह प्रदेश के स्वास्थ्य मंत्री टीएस सिंहदेव ल पत्र लिखे हे। ए पत्र म दुर्ग सांसद विजय बघेल, रायगढ़ सांसद गोमती साय अऊ बिलासपुर सांसद अरुण साव ह हड़ताल करत संविदा स्वास्थ्य कर्मी मन के मांग ल जल्दी पूरा करने के अपील करे हे।
भाजपा (Bjp) सांसद मन ह पत्र म लिखे हे कि प्रदेश म स्वास्थ्य विभाग के 10 हजार ले जादा संविदा कर्मचारी मन ह संविलियन के मांग ल ले के आंदोलन करत हे। ये सबो कर्मचारी ह पिछिले 6 महिना ले अपन जान ल जोखिम म डाल के काम करत रिहिन, लेकिन ओखर सुरक्षा के कोनो इंतजाम नई करे गिस।
भाजपा (Bjp) सांसद मन ह पत्र म लिखे हे कि कांग्रेस ह संविदा कर्मचारी मन के संविलियन के वादा घोसना पत्र म करे रिहिन, लेकिन 2 साल बाद घलो नियमितीकरण के कोनो गाम नई करे गे हे। वादा पूरा करे के बजाय सरकार ओखर खिलाफ कठोर कार्रवाई करत हे, जेन तानाशाही अऊ निंदनीय हे।
