Raipur: कोरोना मरीज के बेहतर समन्वय बर काल सेंटर हो गे स्थापित आपातकालीन स्थिति म मिलही मदद, पढो पूरा खबर

जय जोहार। (Raipur) प्रदेश म कोरोना संक्रमित मन के संख्या म तेजी ले इजाफा होवत जावत हे। प्रदेश म सबले जादा प्रभावित जिला रायपुर हे। ए स्थिति ल देखत हुये जिला प्रशासन ह घलो कमर कस ले हे।

संक्रमित मन ल कोनो तरह के समस्या न हो, एखर बर आपातकालीन नंबर घलो उपलब्ध कराय गे हे। तीन अलग-अलग कॉल सेन्टर के जरिये ए आपातकालीन नंबर के संचालन करे जावत हे।

(Raipur) ए कॉल सेन्टर के जानकारी देवत हुये एडीएम विनीत नंदनवार ह बताइस कि जइसे ही ह मन ल रिपोर्ट मिलत हे कि कोनो के रिपोर्ट ह पाजिटिव आय हे, ओखर बाद कान्टेक्ट ट्रेसिंग करे जावत हे। प्राइमरी कान्टेक्ट कोन हे, ये जानना जरूरी हे।

क्योंकि आन व्यक्ति जेन कोरोना पाजिटिव व्यक्ति के प्राइमरी कान्टेक्ट हे, ओ संक्रमित न हो जाय, ओला धियान म रखत हुये न्यू सर्किट हाउस ले कॉल जावत हे। कोरोना संक्रमण के बचाव बर आवश्यक सुरक्षा ल बरते ल ले के प्राइमरी कान्टेक्ट बर कॉल आवत हे।

(Raipur) दूसर प्राइमरी कान्टेक्ट के दौरान जेन मरीज ह होम आइसोलेशन के विकल्प चुने हे, ओखर बर आपातकालीन नंबर जारी करे जावत हे। यदि होम आइसोलेशन म रहवइया व्यक्ति ल कोनो तरह के कोई समस्या होत ह, त दिन-रात 24 घंटा आपातकालीन नंबर म कॉल करे जा सकत हे।

एखर बर तीन आपातकालीन नंबर जारी करे गे हे। एखर आलावा तीसर आपातकाल कक्ष म ही एक अऊ सेंटर हे, जेमा यदि लोगन मन ल आन समस्या होवत हे, जईसे ओ मन ल कन्टेनमेंट एरिया के जानकारी चाही या आन प्रकार के सवाल के जवाब दे जावत हे।