balodabazar म होय हे कोरोना के तीन नवा मरीज के पहचान, एक मरीज ह जीतिस कोरोना ले जंग

जय जोहार…. बलौदाबाजार (balodabazar) जिला म आज फेर कोरोना के तीन नवा मरीज मन के पहचान होय हे। एखर पुष्टि ल जिला प्रशासन ह करे हे। उहचे एक मरीज ल बने होय के बाद डिस्चार्ज कर दे गे हे।

आज जेन कोराना के तीन नवा मरीज ह मिले हे, ओमा ले बलौदाबाजार (balodabazar) विकासखण्ड के अंतर्गत ग्राम अर्जुनी ले दू अउ पलारी नगर के वार्ड 14 ले एक मरीज शामिल हे।

जिला मुख्य स्वास्थ्य अउ चिकित्सा अधिकारी डॉ खेमराज सोनवानी ह बताइस कि सबो मरीज मन ल जिला कोविड अस्पताल लाय बर एंबुलेंस रवाना कर दे गे हे। (balodabazar) जिला म अब कोरोना मरीज मन के कुल संख्या ह बाढ़ के 384 हो गे हे।

जेमा ले एक्टिव मामला ह 68 हे। उहचे 315 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।