corona : गरियाबंद जिला म फेर कोरोना के तीन नवा मरीज के होइस पहचान

जय जोहार…. गरियाबंद जिला म आज फेर कोरोना (corona) के तीन नवा मरीज के पहचान होय हे। एमा ले दू महिला अऊ एक पुरुष हे। तीनों संक्रमित ह बाहर ले आय हे। ए तीन नवा मरीज मन ह देवभोग विकासखण्ड ले हे।

जिला मुख्य चिकित्सा अधिकारी एनआर नवरत्न ने बताइस कि कोरोना (corona) संक्रमित तीनों मरीज ह देवभोग विकासखण्ड ले हे, एमा ले दू महिला अऊ एक पुरुष शामिल हे। दू मरीज ह देवभोग क्वॉरेंटाइन सेन्टर म रहत रहिस और एक मरीज ह चिचिया गांव के रहवइया हे। देवभोग सेन्टर के कोरोना (corona) संक्रमित दुनो मरीज ह मां अऊ बेटा हे, जो कुछु दिन पहले मुंबई ले वापस लहुटे रहिस।

ऊहचे चिचिया म जेन महिला ह संक्रमित होय हे, वो घलो दूसर प्रदेश ले वापस लहुटे हे। फिलहाल तीनों संक्रमित ल रायपुर रिफर करे के तैयारी करे जात हे।