छत्तीसगढ़ ल मिलिस तीन नवा मेडिकल कॉलेज के सौगात, केंद्र ह दिस मंजूरी

जय जोहार रायपुर…. कोरोना के दहशत के बीच छत्तीसगढ़ ल तीन नवा मेडिकल कालेज के सौगात मिले हे। राज्य सरकार के प्रस्ताव ल केंद्रीय स्वास्थ्य अऊ परिवार कल्याण मंत्रालय ह मंजूरी दे हे। सेंट्रल स्पान्सर्ड सक्रीम के तहत ए मेडिकल कालेज ल कोरबा, महासमुंद अऊ कांकेर म खोले जाही।

केंद्र सरकार के ओर ले 60 प्रतिशत अऊ राज्य सरकार के तरफ ले 40 प्रतिशत राशि नवा मेडिकल कॉलेज के निर्माण बर खर्च होही। तीनों मेडिकल कालेज के निर्माण बर 325-325 करोड़ रूपिया मंजूर करे गिस। एमा केंद्र के ओर ले 195-195 करोड़ रूपिया अऊ राज्य के ओर ले 130-130 करोड़ रूपिया खर्च करे जाही।