राजधानी म मिलिस तीन पुलिस कर्मी ह कोरोना पाजिटिव, कन्टेनमेंट जोन म लगे रहिस ड्यूटी

जय जोहार…. राजधानी म प्रधान आरक्षक के बेटा समेत पुलिस के दू जवान ह कोरोना संक्रमित पाय गे हे। दुनो जवान के ड्यूटी ल सड्‌डू के कन्टेनमेंट जोन म लगाय गे रहिस। आज के केस ल मिला के प्रदेश म तीन जवान ल कोरोना पाजिटिव होय के पुष्टि करे गे हे।

जानकारी के मुताबिक मंदिर हसौद थाना म पदस्थ प्रधान आरक्षक के रिपोर्ट ह हाल म कोरोना पाजिटिव आय रहिस। एखर बाद आज ओखर बेटा के रिपोर्ट घलो पाजिटिव आय हे। ऊहचे मंदिर हसौद थाना म पदस्थ दू अऊ पुलिस आरक्षक जेखर ड्यूटी ल सड्‌डू कन्टेनमेंट जोन म लगाय गे रहिस। ओखर रिपोर्ट ह घलो पाजिटिव आय हे।

बता देन कि प्रदेश म अब कुल संक्रमित मरीज मन के संख्या ह 1110 हो गे हे। जेमा ले सक्रिय मरीज मन के संख्या ह 837 हे। ऊहचे 266 मरीज ह ठीक होके अपन घर लहुट चुके हे। जबकि प्रदेश म अब तक ए वायरस ले चार लोगन मन के मौत हो गे हे।