जय जोहार…. छ्त्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे।
प्रदेश के गौरेला-पेंड्रा-मरवाही म अब तक कोरोना के सात नवा मामले ह सामने आ चुके हे। जेमा ले गौरेला थाना ले 3, विशेषरा,कटरा, ठेंगाडांड अउ बंधौरी ले एक-एक मामले शामिल हे।
कोरोना (corona) संक्रमित मरीज मिले के बाद इलाके ल कन्टेनमेंट जोन घोसित कर दे गे हे। ऊहचे पुलिस कर्मी मन के कोरोना पॉजिटिव मिले के बाद थाना म हड़कंप मच गे हे।
एखर संग आन कर्मचारी मन ल क्वारेंटाइन करत हुये थाना ल सील कर दे गे हे। स्वास्थ्य विभाग अउ प्रशासन ह लोगन मन ल सोशल डिस्टेंसिंग अउ एहतियात बरते के निर्देश दे हे।
बता देन कि प्रदेश म कोरोना (corona) के संक्रमित मरीज मन के संख्या ह 4265 हो गे हे। जेमा ले एक्टिव मरीज मन के संख्या ह 1044 हे।
ऊहचे 3202 लोगन मन ह कोरोना ल मात दे दे हे। जेखर बाद ओ मन ल डिस्चार्ज कर दे गे हे। ए वायरस ले प्रदेश म अब तक 19 संक्रमित लोगन मन के मौत हो गे हे।
Other Articles
प्रधान आरक्षक ह कोरोना संक्रमित, ए थाना हो गे सील
