Gariaband: 90 किलो गांजा के संग 3 तस्कर मन हो गे गिरफ्तार, पढो पूरा खबर

जय जोहार…. (Gariaband) राजिम पुलिस ह 90 किलो गांजा के संग तीन तस्कर ल गिरफ्तार करे हे। आरोपी मन करा ले जब्त गांजा के कीमत ल 90 हजार रुपया बताय जावत हे।

मिले जानकारी के मुताबिक मुखबिर के सूचना ले (Gariaband) राजिम पुलिस ह ओडिशा के तरफ ले आवत वाहन ल शिवाजी चौक के पास नाकेबंदी कर के रोकिस। ए दौरान वाहन के तलाशी म पांच सफेद बोरी प्लास्टिक के अंदर म 90 पैकेट म लपेट कर रखे गिस गांजा ल जब्त करे हे।

(Gariaband) पुलिस ह गांजा के संग हाउसिंग बोर्ड जामुल के रहवइया निखिल श्रीवास्तव, हाउसिंग बोर्ड जामुल थाना रहवइया लींस संतोष पिता संतोष चेरियन अऊ न्यू खुर्सीपार रहवइया पिन्तु कुमार साहनी ल गिरफ्तार कर जेल भेज दे गे हे।