जय जोहार…. (gariaband) पेंगोलीन के संग 3 अंतर्राज्यीय तस्कर मन ल पुलिस ह गिरफ्तार करे हे। छुरा थाना म वन्य प्राणी संरक्षण अधिनियम के तहत कार्यवाही करत हुये आरोपी मन ल जेल भेज दे गे हे। उहचे पेंगोलीन ल वन विभाग गरियाबंद के सुपुर्द कर दे गे हे।
मिले जानकारी के मुताबिक (gariaband) पुलिस अधीक्षक भोजराम पटेल ल मुखबिर ले सूचना मिलिस कि तीन लोगन मन ह ग्राम कोठीगांव के तरफ एक बोरी म पेंगोलीन ले जावत हे। ए सूचना म थाना प्रभारी निरीक्षक राजेश भगत ह कोठीगांव मार्ग म नाकेबंदी करिन।
ए दौरान सेठ जामपानी थाना धरमबांधा, जिला नुआपाड़ा ओडिशा निवासी भोज सिंह भुंजिया, संतोष भुंजिया अऊ नंदकुमार भुंजिया ल गिरफ्तार करिन। ओखर मन के कब्जा ले बोरी म एक जिंदा पेंगोलीन ल बरामद करिन।
पुलिस ह आरोपी मन ले पूछताछ करिन, त ओ मन ह कोनो वैध कागजात प्रस्तुत नई कर सकिन, जेमा पुलिस ह ओखर विरुद्ध (gariaband) छुरा थाना म अपराध क्रमांक 136/2020 धारा 9, 39 (2), 52, 34 वन्य प्राणी संरक्षण अधिनियम 1972 दर्ज कर गिरफ्तार कर ले हे।
Other Articles
