Train: प्रदेश म काली ले तीन ट्रेन के होही परिचालन, पढो पूरा खबर

जय जोहार…. दक्षिण पूर्व मध्य रेलवे ह काली ले तीन ट्रेन (Train) के परिचालन ल सुरू करे ल जात हे। तीनों ट्रेन ह रायपुर मण्डल के हे। एमा ले दुर्ग-अंबिकापुर एक्सप्रेस ह शुक्रवार ले अंबिकापुर अऊ दुर्ग के बीच चलही।

उहचे दू आन ट्रेन रायपुर ले कोरबा हसदेव एक्सप्रेस अऊ रायपुर ले केवटी डेमू ट्रेन (Train) चलही। चार सितंबर के दुर्ग-अंबिकापुर एक्सप्रेस ह दुर्ग ले चल के सूरजपुर होवत हुये अंबिकापुर आही अऊ पांच सितंबर के अंबिकापुर ले दुर्ग बर रवाना होही।

अभी तीनों ट्रेन (Train) ल रेलवे ह स्पेशल के तौर म चलाही। अभी एखर समय ल 30 सितंबर तक बर तय करे गे हे। दक्षिण पूर्व मध्य रेलवे के सीनियर पीआरओ संतोष कुमार ह बताइस कि चार सिंतबर ले तीन ट्रेन चलही। एमा दुर्ग-अंबिकापुर, रायपुर-कोरबा अऊ रायपुर-केवटी ट्रेन सामिल हे।