जोगी कांग्रेस म बिधानसभा प्रत्यासी मन के चउथा सूची जारी

रायपुर। जोगी कांग्रेस ह बिधानसभा चुनई के प्रत्यासी मन के चउथा सूची जारी कर दे हे। लिस्ट म सात बिधानसभा सीट बर प्रत्यासी मन के नाव के घोसना करे गिस हे। बीजापुर ले बीजेपी के पूर्व जिला उपाध्यक्ष संकनी चंद्रिया ल पार्टी ह अपन प्रत्यासी बनाए हे। उहें पूर्व बिधायक परेश बागबाहरा ल खल्लारी ले टिकट दे गिस हे। एकर संग ही बालोद ले अर्जुन हिरवानी, बैकुंठपुर ले बिहारी राजवाड़े, दंतेवाड़ा ले जया कश्यप, नारायणपुर ले बलीराम कचलाम, बस्तर ले सोनसाय कश्यप ल जोगी कांग्रेस ह अपन प्रत्यासी बनाए हे।