जेकर इसारा म नाचंय, दुनिया के उही सबले बड़े रिंग मास्टर ल मार डारिन बघवा मन

रोम. इटली के सबले बड़े सर्कस ‘सिरको ओरफी’ म बाघ मन के हमला ले दुनिया के सबले बड़े रिंग मास्टर एटोर वेबर के मौत होगे। स्थानीय मीडिया के मुताबिक, रिंग के अंदर म चार ठन बाघ रिहिन। 61 साल के एटोर वेबर हा अपन अगला शो के तैयारी करत रिहिन। तभे एक ठन बाघ हा ओला नीचे गिरा दिस। एकर बाद तीन ठन अउ बाघ मन घलो ओकर ऊपर हमला कर दिन। बाघ मन के हमला म रिंग मास्टर एटोर वेबर के मौत होगे। ओकर मौत के बाद भी चारों बाघ मन हा वेबर ल नई छोड़िन अउ ओकर मृत देह के संग आधा घंटा तक खेलत रिहिन। ये घटना रिंग के बाहर मौजूद डाक्टरमन के सामने होईस। घटना के दौरान वेबर के सहयोगी हा ओला बचाए के प्रयास करिन, लेकिन वो हा इमा सफल नई हो सकिन। फिलहाल इटैलियन पुलिस हा मामला के जांच करत हे।