रायपुर। छत्तीसगढ़ कांग्रेस म टिकट के दावेदारी करत नेता मन ह संगठन ले इस्तीफा देना सुरु कर दिस हे। दरअसल, पार्टी ने विधानसभा चुनाव लड़य के इच्छुक नेता मन के आघू सर्त रखे गिस हे के जे संगठन म जिला या ब्लॉक अध्यक्ष हे, उमन ल टिकट नइ देय जाय। जेखर चलत रायपुर सहर कांग्रेस के जिला अध्यक्ष विकास उपाध्याय ह इस्तीफा दे दिस हे। उमन बुधवार के दुपहर करीबन 3 बजे प्रदेश कांग्रेस कमेटी के मुख्यालय पहुंच के पीसीसी अध्यक्ष भूपेश बघेल ल अपन इस्तीफा सउपिस हे। येखर संगे संग बेमेतरा जिला कांग्रेस कमेटी के अध्यक्ष आशीष छाबड़ा घलो अपन पद ले त्यागपत्र दे दिस हे। दूनों नेता विधानसभा चुनाव लड़े बर इच्छुक हे। आवइया दिन म कांग्रेस म अउ कतको जिला अउ ब्लॉक अध्यक्ष इस्तीफा दे सकत हे। ज्ञात होके बालोद अउ सूरजपुर के जिला अध्यक्ष ह 15 दिन पहिली इस्तीफा देय रहिस हे।
उल्लेख करे के बात हे के विकास उपाध्याय रायपुर पस्चिम सीट ले दावेदारी करे बर जात हे। पहिली घलो उमन ह इही सीट ले चुनाव लड़े रहिस हे, लेकिन भाजपा के राजेश मूणत के हाथ ले हार के सामना करे बर पड़िस। ये सीट ले एक बार फेर विकास दावेदारी करवइया हे।
