छत्तीसगढ़ म फेर बदल गे दुकान ल खोले के समय, पढो पूरा खबर

जय जोहार…. मुख्यमंत्री भूपेश बघेल ह कारोबारी मन के मांग अऊ आम जन के सहूलियत ल धियान म रखत हुये प्रदेश म अनुमति प्राप्त दुकान, व्यवसायिक अऊ आन प्रतिष्ठान ल बिहनिया पांच बजे ले रात 9 बजे तक संचालन के अनुमति प्रदान कर दे हे। पूर्व म राज्य सरकार के तरफ ले ए दुकान ल बिहनिया सात बजे ले शाम सात बजे तक संचालन के अनुमति दे गे रहिस। जेमा आंशिक संशोधन करे गे हे।

मुख्यमंत्री के निर्देश म आज सामान्य प्रशासन विभाग के तरफ ले भारत सरकार के गृह मंत्रालय द्वारा संचालन के अनुमति प्राप्त सब्बो दुकान, व्यवसायिक अऊ आन प्रतिष्ठान ल बिहनिया पांच बजे ले रात 9 बजे तक खुली रखने के संबंध म आदेश जारी कर दे हे। दुकान के संचालन के संबंध म पूर्व म जारी आन निर्देश ह यथावत लागू रही।