Raipur म बाढ़गे दुकान ल खोले के बेरा, आदेस हो गे जारी, पढ़व

जय जोहार…. (Raipur) रईपुर म कोरोना के सेती करे गे सख्ती म अउ थोड़कीन छूट मिल गे हे। कलेक्टर सौरभ कुमार ह दुकान ल खोले के बेरा ल बढ़ा देहे। रईपुर म सप्ताह के सबो दिन अब रात 8 बजे तक दुकान ल खोले जा सकत हे। उहें रविवार के घलो दुसरइया दिन के तरह दुकान ह खुलही। रविवार के पूरा लाकडाउन के आदेस ल हटा दे गे हे।

(Raipur) कलेक्टर ह अपन आदेस म संसोधन करत हुये रात आठ बजे तक दुकान ल खोले के अनुमति देहे। ए दउरान सबो अस्थायी, स्थायी दुकान, शापिंग मॉल, व्यावसायिक प्रतिष्ठान, सुपर मार्केट, बाजार, फल, सब्जी के दुकान, शराब दुकान, ब्यूटी पार्लर, स्पा, पार्क, जिम ह रात 8 बजे तक खुल सकत हे।

हरेक रात 8 बजे ले बिहनिया 6 बजे तक लॉकडाउन लागू रही। (Raipur) ए दउरान होटल अउ रेस्टोरेंट ले होम डिलीवरी अउ थोक माल, कार्गो, फल, सब्जी के लोडिंग अउ अनलोडिंग के अनुमति तय बेरा म रही। ए दउरान इमरजेंसी छोड़ के सबो गतिविधि म प्रतिबन्ध रही।