chhattisgarh : दानशीलता, सौहार्द्र अउ अनुकरणीय सहायता के उत्कृष्ट काम बर राज्योत्सव म करे जाही सम्मानित

जय जोहार…. (chhattisgarh ) समाज कल्याण विभाग डहार ले दानशीलता, सौहार्द्र अउ अनुकरणीय सहायता के क्षेत्र म उत्कृष्ट काम करइया योग्य मनखे या संस्था ले दानवीर भामाशाह सम्मान बर प्रविष्टि आमंत्रित करे गेहे।

छत्तीसगढ़ (chhattisgarh ) सरकार डहार ले हरेक बछर के तरह ए बछर घलो राज्योत्सव के अवसर म ये पुरस्कार ल प्रदान करे जाही। योग्य उम्मीदवार ह समाज कल्याण विभाग के जिला कार्यालय म प्रविष्टि जमा कर सकत हे।

विभागीय संचालनालय ह सबो जिला कलेक्टर ले 10 अक्टूबर तक प्रविष्टि उपलब्ध कराय ल कहे हे । (chhattisgarh ) पुरस्कार म एक लाख रुपिया नगद अउ प्रशस्ति पत्र प्रदान करे जाही। पुरस्कार बर मनखे या संस्था के वर्तमान अउ पिछले दुनो काम के आकलन करे जाही। पुरस्कार बर ज्यूरी के सदस्य, सासकीय या अर्द्धसासकीय संस्था अथवा एमा कार्यरत कर्मचारी पात्र नई होही ।