corona : प्रदेस म सामने आय है कोरोना के 13 नवा मामला, 25 मरीज ह दीन हे कोरोना ल मात

जय जोहार… (corona) प्रदेस म मंगलवार के कोरोना के 13 नवा मरीज के पहिचान होय हे। उहें 25 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा राजनांदगांव ले 2, बेमेतरा ले 1, बिलासपुर ले 4, कोरबा ले 2, जांजगीर-चांपा ले 2, कोंडागांव ले 1 अउ दूसर राज्य ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 425 हो गे हे, जेमा ले 220 एक्टिव मामला हे। उहें 9 लाख 91 हजार 637 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13568 मरीज के जान चले गे हे।