राजधानी म आज महिला अऊ बाल विकास मंत्री के संग 1500 महिला मन ह करही पॉवर वॉक

जय जोहार रायपुर…. सार्वजनिक स्थानों म रात म महिला मन के उपस्थिति ल सामान्य बनाए बर अऊ लोग मन ल रद्दा म महिला मन के सुरक्षा के प्रति जागरूक करे के उद्देश्य ल लेके राजधानी म महिला अऊ बाल विकास मंत्री अनिला भेंडिया के उपस्थिति म लगभग 1500 महिला मन ह पॉवर वॉक करही।

राष्ट्रीय अऊ राज्य महिला आयोग के तरफ ले राजधानी रायपुर के मरीन ड्राइव म एक मार्च के शाम सात बजे ले आठ बजे के बीच ये कार्यक्रम होही। उल्लेखनीय हे कि राष्ट्रीय महिला आयोग के निर्देशानुसार एक मार्च के देश म पहिली बार हर राज्य मुख्यालय म महिला मन के पॉवर वॉक के आयोजन करे जाही।