corona : छत्तीसगढ़ म आज सामने आय हे कोरोना के 698 नवा मामला, रईपुर म घलो 222 पॉजिटिव

जय जोहार… (corona) प्रदेस म आज कोरोना के 698 नवा मरीज सामने आय हे। उहें 29 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 43, राजनांदगांव ले 18, बालोद ले 3, बेमेतरा ले 4, कबीरधाम ले 9, रईपुर ले 222, धमतरी ले 5, बलौदाबाजार ले 5, गरियाबंद ले 2, बिलासपुर ले 133, रायगढ़ ले 103, कोरबा ले 39, जांजगीर-चांपा ले 26, मुंगेली ले 13, गौरेला-पेंड्रा-मरवाही ले 4, सरगुजा ले 12, कोरिया ले 9, सूरजपुर ले 22, बलरामपुर ले 2, जशपुर ले 13, सुकमा ले 5, कांकेर ले 5, बीजापुर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 09 हजार 454 हो गे हे, जेमा ले 1942 एक्टिव मामला हे। उहें 9 लाख 93 हजार 911 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13601 मरीज के जान चले गेहे।