पहिली दिन बस्तर लोकसभा  म नई होइस नामांकन दाखिल

आज कांकेर, महासमुंद अउ राजनांगांव बर हो ही अधिसूचना जारी

रायपुर. लोकसभा निर्वाचन के दूसर चरन बर मंगलवार 19 मार्च 2019 के अधिसूचना जारी हो ही. ये चरन म प्रदेस के तीन कांकेर, महासमुंद अउ राजनांदगाँव लोकसभा क्षेत्र मन बर आज ले नामांकन पत्र दाखिल करे जाही. तीन लोकसभा क्षेत्र मन के 18 अप्रैल के मतदान हो ही. येती पहिली चरन के पहिली दिन बस्तर लोकसभा क्षेत्र म कोनो नामांकन पत्र दाखिल नइ करिस हे.

मुख्य निर्वाचन पदाधिकारी सुब्रत साहू ह बताइस के,  अधिसूचना जारी होय के संग ही दूसर चरन म प्रदेस के कांकेर,महासमुंद अउ राजनांदगांव लोकसभा क्षेत्र  बर नामांकन दाखिल करे के प्रक्रिया सुरू हो जाही. छत्तीसगढ़ म लोकसभा बर तीन चरन म मतदान हो ही।

दूसर चरन बर प्रत्याशी अपन नामांकन पत्र सासकीय अवकाल ल छोड़ के कार्यालयीन दिवस मन म  बिहनिया 11:00 बजे ले दुपहर 3:00 बजे तक दाखिल कर सकत हे. दूसरे चरन बर नामांकन 26 मार्च तक जमा करे जाही, नामांकन पत्र मन के जाँच 27 मार्च के होही उहें 29 मार्च तक नाम वापस ले जा सकत हे.